搜尋此 Blog

Loading...

Monday, March 30, 2009

和越式牛肉粉餐廳 必食 安格斯肥牛河


       又 到 王 子 周 末 推 介 啦!一 睇 張 相 就 知 推 介 越 南 菜 啦!
       
       和 越 式 牛 肉 粉 餐 廳 喺 港 九 各 有 一 間 店 ,自 己 鍾 意 幫 襯 尖 沙 咀 嘅 總 店 多 啲 ,水 準 及 service 都 一 路 keep 得 好 好
      
       二 樓 露 台 位 其 實 幾 好 feel 架 . . . 如 果 無 客 食 煙 嘅 話 . . . 
                    
       生 牛 肉 河 粉 真 係 咁 堅?蔡-san 常 去 食 肆 之 一 喎!掂 呱?
      
       生 牛 肉 河 粉 即 場 喺 你 面 前 灌 上 熱 辣 辣 嘅 老 火 牛 骨 湯 ,咁 細 心 嘅 服 務 都 係 收 你 $36 . . . 仲 有 嘢 講?趁 熱 食 啦
      
       個 湯 底 好 香 濃 呀!配 料 又 多 ,但 安 格 斯 肥 牛 肉 呢?
      
       生 牛 肉 喺 碗 底 嘛!熱 湯 一 撞 即 熟 4 成 ,肉 質 鮮 嫩 無 比 ,果 然 非 同 凡 響 ,如 果 滑 溜 河 粉 份 量 多 番 啲 就 perfect 啦
      
       家 鄉 魚 露 雞 因 為 得 2 個 人 食 ,所 以 只 係 order 咗 半 隻 ,雖 然 要 $64 ,但 份 量 都 唔 少 架!而 且 仲 去 埋 骨 添
      
       食 落 有 種 似 曾 相 識 嘅 感 覺 . . . 係 呀!好 似 海 南 雞 囉!
      
       雞 肉 相 當 鮮 嫩 ,唔 蘸 汁 就 咁 大 啖 咬 ,仲 原 汁 原 味 呀!
      
       鮮 蝦 炭 燒 豬 扒 撈 檬 賣 相 唔 錯 噃!$37 超 抵 食 ,點 解?
     
      鮮 蝦 用 河 蝦 、唔 係 用 普 通 嘅 海 中 蝦 喎!彈 牙 好 多 架!
      
       豬 扒 雖 然 唔 多 覺 係 用 炭 燒 ,但 燒 得 靚 肉 質 夠 鬆 化。加 上 有 多 種 配 料 喺 碗 度 ,淋 上 魚 露 後 檬 粉 又 香 又 好 味 呀 !  
      
       青 檸 梳 打 大 大 杯 又 唔 會 落 大 堆 冰 ,$18 梗 係 抵 飲 啦!
      
       椰 青 清 甜 多 汁 又 夠 凍 ,唔 記 得 幾 錢 ,唔 會 點 貴 啦!
      
                                        平 均 消 費 :  $60 - $90 / 位

No comments: