本來好地地一個包場飯局,最後不歡而散,全因為一個好有性格嘅主廚兼老闆.
由 搞局開始,朋友已經同老闆傾清楚幾錢同包咩菜式,再免我地開瓶費,送甜品及咖啡,茶,包加一,好合理啦!! 完全冇諗過會有其他問題或更改. 點知要佢send個menu俾我朋友,足足搞咗四日,到食飯當日下午先收到. 一直都係話send咗喎,你收唔到咩? 我再send,你聽日一定收到. 呢句說話重覆咗幾次直至當日.
都算,呢個唔係問題,不過突然話羊架唔夠分喎,要多加一份,每人要加十蚊. 十蚊唔係咩錢,而係一早已知人數,食物,點解到當日先臨時要加錢?? 好多私房菜都係一個價全包,未試過當日突然要加錢. 呢個都再當算喇,點知又話因為免開瓶,所以都唔可以又送甜品又送咖啡. 最終要用$18二十杯咖啡"換"$38個cream brulee. 使唔使算得咁盡呀??!!! 我唔係貪,只不過係口齒問題囉. 朋友sent返呀老闆個e-mail俾我,自己都認遲俾menu送咖啡架,唔係我地屈佢送囉. e-mail原文: （i am so sorry for send u the menu so late. since i type the wrong emai addrass yesterday. I will offer u coffee or tea for free for my own mistake.） 最終咪又係冇送．可能佢唔送係覺得我地嘅’錯’係大過佢嘅’錯”啦．冇口齒．
唉,當搞掂哂,當晚大家開心最多以後唔再嚟. 點知去到全店工作人員一致面黑!! 而且好冇禮貌,掟杯,掟碟,又俾說話我地聽. 我朋友已經不記前事,自製食物每人一個,連老闆都請. 佢竟然話唔食,朋友話你都好唔俾面我喎,之後老闆話,我都已經好俾面你俾你係度食. ok,你唔鍾意可以唔俾我地食,唔好俾說話我地聽.
無可否認佢食物係唔錯,可惜如此對待客人,食物幾好食都冇用啦.
再者,我地一走之後,佢立即打電話俾我地另一個朋友,投訴我地,又話我地自己帶嘢食,又打爛酒杯,又嘔到廁所唔清潔. 如果唔高興可以一早出聲話你餐廳只可食餐廳食物,我地都唔會死要食. 而且係老闆問"要唔要俾碟我地食",咁即係默許我地食啦. 咁點解又要投訴呢??!!! 打爛酒杯我地立即話"俾番錢", 老闆同侍應異口同聲講咗幾次話唔使,咁係你唔要,又要話我地打爛嘢. 嘔,係,係有人嘔,都只係廁所,而且我最後一個去,無問題喎,冇嘔到周圍係,好正常. 咁又點呢?? 唔舒服都會嘔啦,咁要我同你洗番個廁所??!!! 仲要話免開瓶就帶成十幾支酒...咁係點解唔一早講呀? 你係老闆你可以定只可以帶幾多支,而唔係每件事去馬後炮數我地. 我去過嘅餐廳任我地帶酒多的是，叫得免開瓶要算住幾多支？？？邊個飯局試過呀？
最過份係我地所謂朋友聽完老闆投訴,未問清楚我地咩事,立即係blog寫一大篇文章話我地不是. 佢完全只聽片面之詞就認為我地唔啱,好似太武斷. 當我地係朋友都問吓咩事先鬧啦！！ 唔通真係一早知佢啱哂，我地錯哂？？！！ 要公道就聽哂兩面先下斷語．
好彩後來有佢朋友,受過老闆面黑對付都忍唔住要回應,令我地討回一點點公道.
咁 樣做生意,冇口齒,仲要誣衊我地,真係好過份. 自問我地呢班人出嚟都食唔少飯局，真係未試過有啲咁嘅事．老闆多數都好客氣，食物好，招呼好．我都會介紹朋友去食飯俾面我，好好招呼我朋友．我唔認為我地 係差到咁嘅地部．有其他人都覺得老闆有問題，咁即係問題係邊個度先！！！
仲有一句要講,我呢個朋友都好誤會地以為我地撻佢個朵攞著數,我重新一次,係老闆先認得我朋友去過,而我朋友亦絕冇因為咁而要攞著數. 我地出嚟食飯唔少,冇必要係呢件事上咁做.
呢間餐廳永遠唔會再去,亦唔建議朋友去,免得受罪. 好食餐廳多的事,我有好多選擇,最緊要食得開心.
由 搞局開始,朋友已經同老闆傾清楚幾錢同包咩菜式,再免我地開瓶費,送甜品及咖啡,茶,包加一,好合理啦!! 完全冇諗過會有其他問題或更改. 點知要佢send個menu俾我朋友,足足搞咗四日,到食飯當日下午先收到. 一直都係話send咗喎,你收唔到咩? 我再send,你聽日一定收到. 呢句說話重覆咗幾次直至當日.
都算,呢個唔係問題,不過突然話羊架唔夠分喎,要多加一份,每人要加十蚊. 十蚊唔係咩錢,而係一早已知人數,食物,點解到當日先臨時要加錢?? 好多私房菜都係一個價全包,未試過當日突然要加錢. 呢個都再當算喇,點知又話因為免開瓶,所以都唔可以又送甜品又送咖啡. 最終要用$18二十杯咖啡"換"$38個cream brulee. 使唔使算得咁盡呀??!!! 我唔係貪,只不過係口齒問題囉. 朋友sent返呀老闆個e-mail俾我,自己都認遲俾menu送咖啡架,唔係我地屈佢送囉. e-mail原文: （i am so sorry for send u the menu so late. since i type the wrong emai addrass yesterday. I will offer u coffee or tea for free for my own mistake.） 最終咪又係冇送．可能佢唔送係覺得我地嘅’錯’係大過佢嘅’錯”啦．冇口齒．
唉,當搞掂哂,當晚大家開心最多以後唔再嚟. 點知去到全店工作人員一致面黑!! 而且好冇禮貌,掟杯,掟碟,又俾說話我地聽. 我朋友已經不記前事,自製食物每人一個,連老闆都請. 佢竟然話唔食,朋友話你都好唔俾面我喎,之後老闆話,我都已經好俾面你俾你係度食. ok,你唔鍾意可以唔俾我地食,唔好俾說話我地聽.
無可否認佢食物係唔錯,可惜如此對待客人,食物幾好食都冇用啦.
再者,我地一走之後,佢立即打電話俾我地另一個朋友,投訴我地,又話我地自己帶嘢食,又打爛酒杯,又嘔到廁所唔清潔. 如果唔高興可以一早出聲話你餐廳只可食餐廳食物,我地都唔會死要食. 而且係老闆問"要唔要俾碟我地食",咁即係默許我地食啦. 咁點解又要投訴呢??!!! 打爛酒杯我地立即話"俾番錢", 老闆同侍應異口同聲講咗幾次話唔使,咁係你唔要,又要話我地打爛嘢. 嘔,係,係有人嘔,都只係廁所,而且我最後一個去,無問題喎,冇嘔到周圍係,好正常. 咁又點呢?? 唔舒服都會嘔啦,咁要我同你洗番個廁所??!!! 仲要話免開瓶就帶成十幾支酒...咁係點解唔一早講呀? 你係老闆你可以定只可以帶幾多支,而唔係每件事去馬後炮數我地. 我去過嘅餐廳任我地帶酒多的是，叫得免開瓶要算住幾多支？？？邊個飯局試過呀？
最過份係我地所謂朋友聽完老闆投訴,未問清楚我地咩事,立即係blog寫一大篇文章話我地不是. 佢完全只聽片面之詞就認為我地唔啱,好似太武斷. 當我地係朋友都問吓咩事先鬧啦！！ 唔通真係一早知佢啱哂，我地錯哂？？！！ 要公道就聽哂兩面先下斷語．
好彩後來有佢朋友,受過老闆面黑對付都忍唔住要回應,令我地討回一點點公道.
咁 樣做生意,冇口齒,仲要誣衊我地,真係好過份. 自問我地呢班人出嚟都食唔少飯局，真係未試過有啲咁嘅事．老闆多數都好客氣，食物好，招呼好．我都會介紹朋友去食飯俾面我，好好招呼我朋友．我唔認為我地 係差到咁嘅地部．有其他人都覺得老闆有問題，咁即係問題係邊個度先！！！
仲有一句要講,我呢個朋友都好誤會地以為我地撻佢個朵攞著數,我重新一次,係老闆先認得我朋友去過,而我朋友亦絕冇因為咁而要攞著數. 我地出嚟食飯唔少,冇必要係呢件事上咁做.
呢間餐廳永遠唔會再去,亦唔建議朋友去,免得受罪. 好食餐廳多的事,我有好多選擇,最緊要食得開心.
No comments:
Post a Comment