搜尋此 Blog

Loading...

Sunday, October 12, 2008

小平津 - 胃食妹ET

一家上樓仲要行樓梯嘅港日式小店,點解常滿? 當然同佢食物質素,服務有關啦. 環境已經變成次要,老實果句,如果早知要行三層樓梯我都未必會去. 不過去完又覺得值得再去.

最主要當然係佢呢度名物豆腐鰻魚啦!!

紫菜包住軟滑豆腐夾住味道濃郁嘅汁燒鰻魚,再將佢炸一炸,口感雜滑,脆,腍於一身,點會唔好食呢!!!

全晚比較失色嘅牛油果蟹子蟹柳沙律. 因為牛油果唔靚,冇香味,而且切成一粒粒,都幾難夾.

油甘魚蓉卷味道濃郁,唔錯.

串燒鵪鶉蛋外脆內軟,十分美味!!

串燒雞腎十分爽口,不過應該係鴨腎多啲. 雞腎冇咁大同味道冇咁濃.

串燒牛舌又係精彩,佢夠哂厚身,又爽口,仲好重牛味,一流!!

燒銀雪魚骨都唔錯,有肉有骨,燒得夠香口. 送酒一流!

清酒煮蜆其實係超巨型花甲. 十分鮮甜,不過個湯就冇咩清酒味,連蜆味都欠奉,奇怪!!


魚湯烏冬湯底極鮮甜魚味,加埋烏冬真係幾好食. 而且仲要好鬼抵,四人份都只係$78.

燒辣明太子飯團水準都唔錯,外面焦脆,內裡明太子鹹辣,加埋飯粒味道剛好!!

敬送豆腐雪糕我都已經飽到食唔哂!!
呢家小店十分抵食,再加上用心經營,服務滿分,難怪咁多人啦!!!

地址 :銅鑼灣駱克道525號3/F
電話 : 28939697

No comments: