搜尋此 Blog

Sunday, November 30, 2008

The French Table - 飛人生活

完成兩星期FP Training那一晚,為了獎勵自己,同多謝一直支持我的人,雖然身體已經好疲倦,最想就係好好瞓返覺,但都決定出街食餐好既!
朋友早前帶我去過一間樓上法國餐廳,地方不大,沒有華麗裝修,只有一個比例上很大的開放式廚房!能夠吸引係如此重要的日子再次到訪,當然係因為她有不能忘記的美食!
餐牌只有一張紙,有A前菜,B湯,C主菜,D甜品,E咖啡茶,可以自己選擇食晒全部,定要湯唔要前菜,怎至食兩個前菜!
由前菜到甜品,都係店主自己一個人一手一腳做的!這一點已經夠感動,最感動係由前菜到甜品都整得咁好味!
店主真是一個對煮食很有天份與熱誠的人,上去食飯的人客,只要你願意講,佢都願意聽你意見,怎至為我地做出我們喜歡的甜品!你話係咪感動到有點淚光?
我個人最欣賞佢個洋蔥湯,雖然湯面片麵包細咗d,但湯底絶對係一流,咁正式的洋蔥湯,係香港一d都唔多!
餐牌內容唔多講,大家可以係佢個網站睇到!價錢大約四佰至五佰一位!
也許除了食物的味道,我也食出了廚師的心,才令我如此喜愛這個地方!

溫暖的麵包

前菜:香煎田螺配磨菇汁

主菜:香燒美國Kurobuta豬架配黑松露菌汁

甜品:法式糖霜配鮮果
網址:www.thefrenchtable.com.hk

No comments: