搜尋此 Blog

Loading...

Friday, January 30, 2009

順德聯誼總會 (胃食妹日誌 )

本來心大心細唔知去唔去好嘅飯局,今晚話俾我知好彩有去!!! 每道菜都十分美味,尤其個魚咀,真係好食到即刻想encore!!!!

菊花五蛇羹 - 全晚呢味比較失色. 材料唔夠,蛇肉亦少到食唔出. 原來呢度蛇嘅菜式係唔多得.

薄脆十分鬆脆. 可惜檸檬葉唔多夠!

玫瑰豉油雞 - 豉油美味,肉質夠嫩,超好食!!!!

燒焗大魚咀 - 炸得香口,魚雲好滑,簡直人間美味!!

豉油皇大蝦 - 味道帶甜,唔會死鹹. 肉質鮮味,彈牙!

又大隻,又爽甜,美味呀!!!

桂花炒魚翅 - 炒得夠乾身,不過略嫌蛋炒得比較粗鞋.

酥炸五蛇丸 - 又爽口,又彈牙,又有鮮甜蝦味....不過蛇肉呢? 唔覺喎!

枝竹羊腩煲 - 連皮腩肉,美味!!

羊腩煲付生菜

百花釀竹笙 - 菜心靚. 釀竹笙有特色.

蝦籽扒柚皮 - 軟硬適中,夠入味,唔苦澀.

生炒糯米飯 - 飯粒軟熟,相信係先蒸後炒. 好夠鑊氣,又想encore!!!

腰果杏仁茶 - 太淡口,似溝水. 食唔出有腰果味??!!

地址 :中環租庇利街17-19號順聯大廈3樓
電話 : 2545 7910

No comments: