搜尋此 Blog

Loading...

Monday, July 28, 2008

街 頭 食 夜 粥   堂 記 腸 粉 專 門 店 飲食男女




zoom
每 逢 週 末 與 朋 友 往 尖 沙 咀 狂 歡 作 樂 後 , 最 喜 來 堂 記 吃 一 碗 「 夜 粥 」 。 這 的 鴨 腎 菜 乾 豬 骨 粥 可 算 是 回 魂 之 作 ; 就 算 當 晚 有 多 累 眼 皮 有 幾 重 , 只 要 一 啖 清 甜 幼 滑 的 菜 乾 豬 骨 粥 入 口 , 即 時 醒 過 神 來 。

具 二 十 多 年 粥 、 粉 經 驗 的 鄒 師 傅 , 由 每 條 腸 粉 至 每 碗 粥 都 只 由 他 一 個 人 包 辦 。 單 就 鴨 腎 菜 乾 豬 骨 粥 , 每 日 就 賣 出 百 多 碗 , 認 真 唔 講 得 笑 。




zoom
鴨 腎 菜 乾 豬 骨 粥 $11
屬 堂 記 招 牌 粥 ; 既 有 菜 乾 的 清 甜 , 亦 有 豬 骨 的 香 以 及 乾 鴨 腎 的 惹 。 粥 底 杰 如 稀 飯 、 豬 骨 亦 夠 肉 有 嚼 頭 , 吃 後 肚 子 飽 得 滿 滿 。
雖 然 位 置 偏 僻 , 但 臨 近 深 夜 , 人 客 陸 陸 續 續 駕 車 而 至 。 十 點 打 後 更 是 「 高 峰 期 」 , 蒲 完 來 消 夜 或 買 外 賣 的 人 絡 繹 不 絕 , 人 多 時 要 等 近 半 小 時 至 有 得 食 。
堂 記 腸 粉 做 得 好 人 所 共 知 , 但 除 了 腸 粉 外 , 一 碗 鴨 腎 菜 乾 豬 骨 粥 幾 乎 是 指 定 動 作 , 每 晚 賣 過 百 碗 。
在 一 般 粥 店 甚 少 能 吃 到 用 菜 乾 做 的 粥 。 菜 乾 有 獨 特 的 清 澀 甘 甜 , 用 它 來 混 上 肉 類 煲 粥 , 更 可 中 和 肉 類 的 葷 膩 。 而 堂 記 用 的 豬 骨 和 菜 乾 可 算 真 材 實 料 。 一 條 條 如 扁 舟 的 菜 乾 浮 在 粥 面 上 。 豬 骨 並 不 是 齋 骨 頭 , 一 路 啜 骨 一 路 仍 能 咀 嚼 到 不 少 依 附 在 骨 頭 面 極 嫩 滑 的 小 肉 。 粥 底 內 還 加 上 一 點 乾 鴨 腎 , 令 每 口 粥 均 混 和 了 菜 乾 的 清 甜 、 豬 骨 的 香 以 及 乾 鴨 腎 的 惹 味 , 味 道 富 層 次 。
堂 記 的 粥 底 亦 有 別 於 別 家 店 鋪 ; 當 別 人 的 粥 一 味 綿 、 米 被 煮 至 溶 溶 爛 爛 時 , 鄒 師 傅 的 粥 杰 得 來 有 點 似 潮 州 粥 。 並 不 是 說 他 的 粥 水 還 水 、 粥 還 粥 , 而 是 它 的 米 花 爆 了 仍 然 有 一 定 的 質 感 , 吃 粥 有 如 吃 稀 飯 的 充 實 !
鄒 師 傅 說 坊 間 有 些 酒 樓 都 有 做 這 種 粥 , 但 味 道 總 是 差 點 點 。 只 因 他 們 用 的 菜 乾 不 夠 好 。 原 來 菜 乾 要 隔 一 年 才 夠 香 、 煲 出 來 的 粥 才 夠 金 黃 色 。 「 香 港 很 難 找 到 這 種 夠 年 份 的 菜 乾 , 有 都 很 貴 , 要 成 80 幾 蚊 一 斤 。 為 了 搵 靚 菜 乾 , 我 們 特 登 去 東 莞 找 當 地 農 民 種 , 唔 係 點 夠 每 月 要 成 五 十 幾 斤 的 需 要 。 」
至 於 豬 骨 , 鄒 師 傅 則 用 上 生 骨 與 唐 排 ( 豬 脊 骨 ) 。 「 傳 統 的 豬 骨 粥 多 數 只 用 生 骨 。 生 骨 內 多 油 , 煲 出 來 的 粥 既 香 又 滑 , 但 生 骨 不 及 唐 排 清 甜 , 所 以 我 在 做 粥 時 兩 種 骨 都 用 上 , 再 加 乾 鴨 腎 吊 起 粥 底 的 鮮 味 。 但 鴨 腎 不 能 落 太 多 , 否 則 成 煲 粥 得 個 臘 味 味 , 搶 去 了 豬 骨 同 菜 乾 味 。 」
用 老 果 皮 、 薑 以 及 各 類 材 料 先 熬 上 三 小 時 做 個 湯 底 , 然 後 再 與 已 煮 了 足 足 四 句 鐘 的 粥 底 混 和 , 一 道 美 味 的 鴨 腎 菜 乾 豬 骨 粥 才 算 大 功 告 成 。
菜 乾 豬 骨 粥 美 味 之 餘 , 用 料 亦 多 。 一 碗 粥 至 少 一 半 是 粥 料 。 而 豬 骨 亦 夠 肉 頭 可 讓 你 吃 得 飽 , 皆 因 師 傅 放 豬 骨 的 時 間 拿 捏 得 準 。
「 湯 底 滾 了 兩 個 小 時 後 我 才 放 上 豬 骨 。 這 樣 豬 肉 便 不 會 完 全 溶 化 在 粥 內 , 令 豬 骨 只 得 齋 骨 。 」


Tips



zoom
一 . 晚 上 七 點 打 後 , 文 匯 街 便 可 讓 駕 車 人 士 自 由 泊 車 , 方 便 來 堂 食 及 買 外 賣 的 人 客 。
二 . 每 晚 八 點 至 十 點 之 間 的 時 段 人 客 較 疏 , 為 免 等 位 , 食 客 可 選 擇 這 段 時 間 光 顧 。
三 . 每 日 魚 片 的 供 應 有 限 , 想 吃 魚 片 粥 的 , 請 致 電 預 留 。
四 . 平 均 消 費 $ 25 。
五 . 外 賣 與 堂 食 同 價 , 不 額 外 加 收 食 物 盒 的 費 用 。

其 他 推 介
燒 鴨 豬 雙 拼 腸 粉 $14
堂 記 腸 粉 嫩 滑 有 米 香 人 所 共 知 , 推 介 這 款 坊 間 吃 不 到 的 燒 鴨 豬 雙 拼 腸 粉 。 燒 鴨 燒 得 夠 香 豬 亦 夠 爽 甜 , 一 韌 一 腍 口 感 甚 有 對 比 。

堂 記 腸 粉 專 門 店



zoom
地 址 : 九 龍 油 麻 地 文 匯 街 文 景 樓 26 號 C 地 下
電 話 : 2710 7950
營 業 時 間 : 星 期 一 至 六 7:30 pm -3am 、 星 期 日 休 息
收 費 : 只 收 現 金 , 不 設 加 一 。
交 通 : 巴 士 路 線 2E 、 79R 、 904R 、 914 路 經 。
泊 車 : 文 昌 街 露 天 停 車 場 , $12/hr 。

No comments: