搜尋此 Blog

Thursday, April 9, 2009

YY 情報

自季度飲食報告出籠後,遂收到刁嘴皇后 YY 即時報料。YY 君對於鮮雞異常超級執着,只因鮮味至要緊。一遇『偽鮮雞』,一定同店員據理力爭,死不付款!家中煲湯底料兩隻雞加一條生魚,勁過齋飲史雲生,真係唔講得笑!!對此 SMS 來鴻,小弟萬分感謝!


八海山:一般貨色,快餐格局。


大喬日本料理:用料與價錢不符。


蟹增盞食蟹專門店:上個禮拜至去完,相對其他專門食辣蟹地方,只能夠話佢比其他寶號平一大截,食物一般咋!唔試冇損失。


明閣:可能好生意,冇晒誠意。


築地濱之屋重要提示,千祈咪去,虛有其表。枉有咁嘅外殼,遲早執。
3笑臉 vs 3OK vs 3喊瞼


生記粥麵:同上環嗰間天淵之別,食完以為睇錯舖名。


名人坊高級粵菜:比一般好少少,不要期望太大,諗唔到憑甚麼收我咁貴。價錢不是問題,無乜真係令我回味囉。


小平津:咪搞,肚疴嘅。


湖舟壽司:no 啦!


再興燒臘飯店:雞和燒肉可以,但有慘痛經歷。


The Mistral :名過其實。


YC Cafe:唔關事,咪去。


生潮軒:又係唔掂,叫嘢前問吓價,有 D 唔知乜魚蚵仔粥四嚿半一窩仔,食到一肚氣。鹵鵝話出名,妖!
2笑臉 vs 4OK vs 4喊瞼


藍納泰:近期最火,嚴重媽媽聲,八餸兩甜品冇樣得。成枱人反枱咁滯,投訴都費事。唔想教叻佢。唔知點解仲生存到。重要埋單每人三嚿,食到我好激氣呀!


14笑臉 vs 8OK vs 15喊瞼

No comments: