搜尋此 Blog

Loading...

Sunday, April 12, 2009

TIT*F (不眠王子)

 
       銅 鑼 灣 中 央 圖 書 館 附 近 有 間 人 氣 麵 包 店 TIT*F ,除 咗 雜 誌 、電 視 近 期 介 紹 佢 哋 嘅 超 得 意 立 體 狗 仔 蛋 糕 ,其 實 佢 哋 嘅 麵 包 、蛋 糕 都 好 正 架 !一 食 就 知 真 材 實 料 ,全 店 仲 採 用 "無 反 式 脂 肪" 油 脂 ,相 當 健 康 噃
      
       德 國 布 丁 望 落 有 啲 似 葡 撻 ,但 味 道 就 有 分 別 ,撞 正 啱 啱 出 爐 ,熱 氣 騰 騰 、香 噴 噴 真 係 好 難 忍 ,$6 / 個 咋
      
       外 層 牛 油 皮 勁 鬆 脆 ,大 力 啲 托 住 都 會 碎 ,蛋 味 香 濃 軟 滑 仲 好 creamy ,最 精 彩 係 食 到 最 底 仲 有 層 濃 濃 嘅 朱 古 力 醬 ,配 合 餘 下 嘅 脆 皮 一 齊 食 正 到 不 得 了
      
       北 海 道 朱 古 力 奶 黃 包 唔 好 用 咬 嘅 動 作 ,呷 一 啖 就 享 受 到 包 身 有 幾 軟 熟 ,朱 古 力 味 道 天 然 唔 誇 張 ,$5 / 個  
      
       日 式 綠 茶 南 瓜 芝 士 包 大 大 個 都 係 賣 $7 ,綠 茶 味 好 濃 ,裡 面 嘅 清 甜 南 瓜 蓉 仲 相 當 多 ,咬 落 去 唔 會 空 洞 洞
      
       綠 茶 紅 豆 包 細 個 啲 、扁 身 啲 ,但 只 係 $3.5 咋!而 且 包 內 嘅 紅 豆 仲 超 多 添!包 你 話 抵 食
      
       綠 茶 紅 豆 真 係 乜 都 唔 買 都 唔 可 以 唔 買 佢 ,你 搵 到 咁 好 食 嘅 綠 茶 蛋 糕 亦 未 必 有 咁 多 紅 豆 ,有 咁 多 紅 豆 都 未 必 有 咁 大 粒 . . . 綠 茶 蛋 糕 勁 鬆 軟 超 綿 密 ,軟 得 嚟 又 有 承 托 力 ,好 似 瞓 緊 sinomax 枕 頭 咁 . . .  紅 豆 又 大 大 粒 好 咬 口 ,咁 大 條 都 係 賣 $9 抵 到 爛 呀
       
       有 機 豆 漿 蛋 糕 有 好 多 朋 友 誤 會 咗 佢 ,其 實 食 落 覺 得 豆 漿 味 唔 夠 濃 係 正 常 喎 !有 機 豆 漿 本 身 就 無 乜 味 ,用 嚟 做 蛋 糕 主 要 係 加 強 佢 嘅 幼 滑 及 軟 綿 度 嘛 !我 覺 得 $7 條 好 抵 食 又 好 好 味 囉
       
       電 話 : 2805 6998       平 均 消 費 : $3.5 - $10 / 位
      地 址 : 銅 鑼 灣 摩 頓 台 25 號 地 下

No comments: