搜尋此 Blog

Loading...

Friday, April 24, 2009

江南美廚 九龍城店 (不眠王子)


       前 藝 人 陳 妙 瑛 近 排 頻 頻 曝 光 宣 傳 佢 半 年 前 一 口 氣 開 咗 4 間 嘅 江 南 美 廚 ,見 九 龍 城 店 最 近 我 ,一 於 試 吓
      KCP 呢 個 蕉 場 一 向 都 拍 烏 蠅 ,呢 晚 係 閒 日 ,晚 飯 時 段 個 場 都 一 樣 係 無 乜 人 氣 ,偏 偏 呢 度 就 有 十 幾 人 喺 門 口 等 緊 位 ,真 係 奇 景 呀 !咁 好 彩 一 行 埋 去 個 接 待 就 話 有 張 2 人 枱 可 即 入 ,即 時 俾 部 份 現 場 觀 眾 勁 啤 咗 一 吓
      2 人 枱 都 幾 闊 落 ,座 位 亦 夠 舒 服 ,一 班 侍 應 忙 到 極 但 仍 然 相 當 好 招 呼 ,最 重 要 係 價 錢 夠 實 惠 嘛
      
       餐 前 小 食 係 一 小 碟 菜 圃 ,爽 口 得 嚟 又 醃 得 幾 好 味 
      
       香 茜 皮 蛋 豆 腐 靚 到 我 忍 唔 住 彈 咗 句 :「好 刀 功!」
      
       皮 蛋 豆 腐 出 面 一 般 都 係 原 件 上 或 切 粒 ,片 上 已 經 唔 多 ,片 到 咁 靚 咁 薄 嘅 真 係 好 少 見 ,而 且 仲 差 唔 多 有 30 片 ,只 係 賣 $36?單 係 心 機 錢 都 值 啦
      
       皮 蛋 味 道 無 乜 特 別 ,反 而 豆 腐 就 真 係 超 滑 溜 到 不 得 了 ,放 一 片 上 匙 羹 ,再 加 幾 粒 皮 蛋 一 齊 放 入 口 ,爽 呀
      
       花 雕 醉 雞 要 $62?原 來 唔 係 求 其 放 幾 件 ,而 係 大 大 碗 放 咗 差 唔 多 半 隻 雞 入 去 ,見 到 咁 多 雞 肉 都 勁 流 口 水 啦!
       
       唔 知 用 邊 隻 花 雕 酒 呢?陣 味 好 香 濃 呀!你 睇 吓 啲 酒 幾 深 色 ,雞 肉 自 然 帶 有 濃 濃 嘅 酒 香 啦!入 口 仲 好 嫩 滑 添
      
       用 閃 光 燈 影 多 次 俾 你 睇,係 咪 好 少 見 咁 正 嘅 醉 雞 呢?
       
       南 翔 小 籠 包 賣 相 唔 錯 、包 得 幾 靚 喎!一 籠 4 隻 $26 咋
      
       小 籠 包 都 算 皮 薄 餡 靚 ,裡 面 灌 到 幾 滿 嘅 湯 汁 影 完 相 都 仲 係 熱 辣 辣 ,肉 餡 亦 夠 鮮 味 ,水 準 相 當 高
      
       東 坡 肉 無 理 由 唔 試 ,而 且 唔 係 太 大 件 ,賣 $40 之 嘛!
       
       落 單 後 侍 應 仲 會 問 你 想 原 件 上 定 切 開 ,夠 晒 細 心 噃
       
       東 坡 肉 肥 瘦 度 適 中 ,炆 到 夠 哂 火 候,入 口 香 濃 、肥 而 不 膩 ,肉 質 鬆 化 得 嚟 又 唔 會 太 甜 ,送 白 飯 一 流 呀
       
       蘭 州 三 鮮 刀 切 麵 唔 係 湯 麵?係 炒 麵?咁 似 . . . 干 燒 伊 麵 嘅?最 初 見 寫 住 廚 師 推 介 咪 試 吓 囉 !賣 $68 架!好 彩 ,食 落 原 來 完 全 係 兩 回 事 ,有 啲 驚 喜 架
      
       三 鮮 有 蝦 仁 、雞 片 同 海 蔘 ,份 量 相 當 多 ,加 埋 大 量 草 菇 、韮 王 炒 到 香 噴 噴 ,刀 切 麵 咬 落 爽 身 好 咬 口 ,仲 一 啲 都 唔 油 膩 ,口 感 完 全 唔 同 干 燒 依 麵 ,好 好 味 呀
      
       食 完 咁 多 濃 味 嘢 ,梗 係 飲 竹 蔗 水 中 和 吓 啦!一 酌 $30 都 OK 嘅!侍 應 仲 話 唔 係 好 夠 凍 ,不 如 幫 你 加 啲 冰 呀
      呢 啲 咪 叫 貼 心 嘅 服 務 囉!埋 單 $288 ,算 抵 食 啦!
      
       電 話 : 2798 8921           平 均 消 費 : $100 - $150 / 位
      地 址 : 九 龍 城 賈 炳 達 道 九 龍 城 廣 場 1 樓 126 號 舖

No comments: