搜尋此 Blog

Wednesday, April 15, 2009

危險速逃 - 26

花園金閣

地址 :旺角彌敦道601號創興廣場8樓 English Address
電話 : 26269982/ 2782-2202
類別 : 廣東菜酒樓火鍋海鮮自助餐點心
消費 : $301以上
8笑臉 vs 15OK vs 16喊瞼

arwing
(非會員)
哭臉2008-11-04
31/10/08 同朋友黎呢度打邊爐. 入坐時侍應話任食限時2小時, 我地都不以為意. 我地 7:15pm入坐, 食到9點仲落緊order, 個待應無提過我地就夠鐘, 照送嘢黎.

9:15pm....因為有朋友想食墨丸, 所以打算補多張order, 點知個待應同我地講話我地夠鐘, 唔可以再叫, 跟住另一個男待應走過黎, 二話不說就熄左我地個爐, 話出面有人等位要我地即閃, 態度十分惡劣.

我地就咁比佢趕走, 出到門口, 還發現根本無人等位, 呢度的服務度態真係無人能及
 
dannykk
6篇食評
哭臉2008-12-01
好耐無去呢度食火鍋,上星期六與女友出去旺角,於是上去幫襯。大約七點止到去,即刻有位,帶位阿姐講每位117元(埋單價價),但祇限個半鐘任食!我問:乜唔係二個鐘咩?佢即時黑面講:依家改左二個人祇可食個半鐘!好!算數!一場來到,照食!

快 手快腳求其Order左個湯底,跟手拿起張單叫野食,食品種類好多,食物都OK新鮮,但上枱時間超耐,食物跟單又唔足,好多野都無黎到!點左二輪食品,至 少有七八種都無黎,連最Cheap既粉絲、蟹柳、蘿白等都無黎到!另外原來點蒜蓉同椒絲每碟要收十蚊,任飲既竹蔗水祇係糖水而矣!

老實講,等得佢D野黎、等D野熟、等佢加水,等等下都去晒D時間,個半鐘真係唔夠!因為一夠鐘,自然有人埋黎熄爐兼送上帳單,非常無引!反正旺角區好多選擇,所以不會再光顧了!
 
八爪魚魚
1篇食評
哭臉2008-03-06
之前冇訂位,要十一個位去到唔洗等,上到去環境一般,唔算多油煙但比較迫。

有位朋友晏啲到...坐低之後即寫紙order,仲寫埋枱號同人數,呀姐佢收到張紙之後仲問我地"係十一個人呀",答左呀姐佢"係呀,有一個朋友未到",呀姐問完就行開左。

食物黎到後發覺份量少之外,order左既都黎唔齊,味道係可接受,只係唔係好新鮮。

之後有2位朋友要走先,但遲黎既朋友就接住到。當我地食到接近飽既時候,有個身形細粒既呀叔走埋黎,問我地'幾多個人?',咪話佢知:'十一個人'。'但係佢地係計左十二個人'呀叔講完之後走開左。

轉 頭呀叔又走埋黎,大大聲話"哩次算數"我地好憤氣!而家係我地錯咩?!呀叔話樓下報俾佢十二個人,仲話碗碟都放低左十二套。我地一直以黎都係同佢地講十一 個,放低幾多套碗碟就係計幾多人哩個道理好難理解囉,根本問題係佢地到。個待應點都唔肯認錯,同我地爭吵不休,最後佢都唔覺得自己說話係有問題。
 

No comments: