搜尋此 Blog

Loading...

Thursday, April 23, 2009

Cafe Lavande (不眠王子)


       一 到 周 末 ,我 總 愛 跟 王 妃 走 去 啲 唔 太 多 人 嘅 地 方 行 吓 ,唔 通 去 旺 角 深 呼 吸 咩 ?我 哋 好 鍾 意 行 山 ,由 中 環 街 市 對 面 出 發 ,一 邊 行 一 邊 欣 賞 兩 旁 嘅 古 舊 建 築 及 特 色 食 店 ,攰 咩?對 腳 可 以 停 低 ,個 人 依 然 會 繼 續 上 山 . . .
      因 為 有 登 山 升 電 梯 嘛 . . .,上 到 半 山 太 子 台 ,望 吓 右 邊 ,你 會 見 到 有 間 頗 雅 致 嘅 Cafe Lavande ,小 店 內 只 得 兩 張 枱 ,但 我 覺 得 坐 室 外 其 實 仲 好 feel 。上 山 途 中 不 妨 到 此 法 式 茶 寮 歇 歇 ,飲 杯 茶 、食 個 撻 . . .
      
       細 細 個 蛋 糕 櫃 有 多 多 款 令 人 流 口 水 之 物 ,你 點 忍?
      
       檸 檬 撻 好 多 人 都 走 寶 ,連 網 上 食 評 都 無 人 提 及 ,可 能 唔 易 遇 上 吧!今 次 呢 件 ,都 係 尾 2 嘅 一 件 ,話 你 知 ,呢 度 嘅 檸 檬 撻 係 我 近 年 食 過 最 正 嘅 !比 中 環 置 地 嗰 間 La 乜 乜 物 物 好 食 得 多 ,相 對 呢 度 只 係 賣 $30 唔 算 貴 啦!你 搵 到 度 好 味 過 呢 間 嘅 唔 該 即 刻 話 我 知 ,無 酬
      
       檸 檬 撻 用 傳 統 嘅 法 式 做 法 ,撻 皮 極 之 鬆 脆 ,食 落 個 餡 比 預 期 中 酸 ,搞 到 我 即 時 做 咗 個 IQ 博 士 內 超 人 變 身 嘅 指 定 動 作 ,成 個 人 醒 神 晒
      
       花 紋 別 緻 嘅 圓 形 小 枱 上 嘆 住 件 靚 撻 ,確 係 寫 意 到 極
      
       梨 子 朱 古 力 蛋 糕 亦 一 試 鍾 情 ,雖 然 $38 好 似 貴 咗 少 少 ,但 味 道 到 而 家 都 仲 記 得 ,寫 到 呢 度 又 再 想 去 食 過
       
       梨 子 朱 古 力 蛋 糕 其 實 唔 係 朱 古力 蛋 糕 ,而 係 蛋 糕 內 加 咗 梨 子 肉 同 朱 古 力 粒 ,蛋 糕 軟 綿 綿 ,梨 子 肉 甜 甜 哋 夠 清 新 ,朱 古 力 味 道 好 濃 吓 ,好 味 到 想 打 包 個 返 屋 企
      飲 品 就 試 咗 2 款 Les Mocktails ( 即 係 無 酒 精 嘅 雞 尾 酒 )
      
      初 渡 艷 陽 天 個 名 咁 電 影 feel 嘅?原 來 真 係 嚟 自 一 套 法 國 電 影 La Gloire de mon père ,法 式 cafe 連 飲 品 個 名 都 帶 有 法 國 風 情 ,夠 晒 貫 徹 始 終
        
       初 渡 艷 陽 天 由 薰 衣 草 、蔓 越 梅 及 有 氣 礦 泉 水 調 製 而 成
      
       味 道 甜 甜 哋 清 新 解 喝 ,$35 杯 都 幾 抵 飲
      
       戀 戀 山 城 個 名 又 係 嚟 自 法 國 電 影?Bingo!套 戲 原 名 Jean de Florette ,睇 嚟 呢 度 個 老 闆 真 係 好 鍾 意 睇 法 國 電 影 
      
       戀 戀 山 城 主 要 成 份 有 薰 衣 草 、蘋 果 汁 及 湯 力 水 ,賣 相 無 乜 特 別 ,但 飲 落 味 道 其 實 相 當 唔 錯 ,價 錢 亦 係 $35  
       
       電 話 :  2537 7998    平 均 消 費 : $30 - $80 / 位
      地 址 :  半 山 太 子 台 4A 地 下

No comments: