最討厭的食肆

梁山泊：附庸風雅之最。

大喜慶 (已結業)：冇樣嘢好食，很貴的垃圾。

Chippy：成間油煙味，垃圾。

慶公宴 ：每一道菜都介紹三五十秒，搞到乜都凍晒，阻住傾偈，擺明呃鬼佬。

Flying Pan : 全天候早餐 concept 好但出品差，澳洲牛奶公司好食好多！

Tao Coffee & Juice : 結賬時，我同賓藉伙記講這是我有生以來喝過最難喝的一杯咖啡。他回應說 ： 「$127，please.」

新光潮州菜館：狂銷貴嘢，他媽的！沙爹菜遠牛，唔該！

陳東記 (已結業)：創意無限，味道不足。

布袋澳：所謂風味 = 陣陣屎味！

Lawry：每道菜講解十數秒，浪費生命！

大久保日本料理 (已結業)：翠華好得多！！

囍宴 : 三五百蚊位食 D 「所謂」高手烹調但價錢平的食物，值唔值就真係見人見致。雖然預約咗，但唔係熟客就要預俾人放飛機。

餃子

滬江大飯店：某次有位北方師傅在時代廣場分店造餃子，皮薄餡靚，極之出色！
麵棧：用料新鮮，唔錯！
北方餃子源：單從外觀猜不透原來具如斯實力！
王府：ok。
餃子園：唔掂。
水餃姨姨：唔得。

北方小館 (已結業)：粉太多，難食。

上海弄堂：冇特別。

Dot Cod

一間十份不錯的英式西餐廳，用料新鮮，取價尚可但不平宜。主打為魚和生蠔。還顧中環 HSBC 四周，除了酒店，並沒有比它更好的選擇。
Click to see

GAIA

講起服務絕核，暫時應以 GAIA 為首。事原一次訂檯，Captain 話只剩露天位，小弟說天陰陰，有冇室內。他竟話現在有十數人等候中！二話不說，立刻收線！真係咁多人死，唔見你死！
Click to see

煲湯有學問 - 王亭之

煲湯不同滾湯。滾湯易，煲湯難。廣東館子的特色正在於煲湯而非滾湯。若乎滾湯，則四川菜蘿蔔肉片，湖南菜鷄湯滾生魚片，皆不輸於粵廚，甚且可謂凌駕其上。

許 多人以為煲湯乃易事，將一應配料齊齊下煲，加水煲之哉，便以為是煲湯矣，一旦煲四五個小時，便自稱「老火靚湯」焉，真的笑煞人也。要煲一煲靚湯，湯料如何 整治乃第一要務。例如節瓜煲豬肉，節瓜是橫切抑或直切，都有學問。又如煲節瓜，必須去瓜仁，而煲老黃瓜則須帶瓤，連瓜仁一齊煲。倘一部通書看到老，便不知 煲湯的竅妙。

用江瑤柱煲瘦肉，煲至火路足，須將瘦肉用筷子拆散，再文火煲之，然後湯始無瑤柱的腥味。倘只將豬肉切件來煲，湯雖鮮，必仍帶腥。若加胡椒辟腥，那麼整煲湯就立刻變質，由滋陰變成燥火。這類知識，光靠看食譜來煲湯的主婦，一定不識，因為連寫食譜的人，煲出來的湯都未必靚也。

古老筵席

French Cottage

週日清清淡淡﹐去了跑馬地 French Cottage。裝修不俗﹐手工不錯。生蠔有十款﹐獨欠 BELON。價錢三十餘元只﹐合理。另備其他海鮮。叫了個 SEAFOOD PLATTAR﹐$388﹐六隻生蠔 + 四隻青口 + 翡翠螺 + 小龍蝦兩隻。開蠔功夫甚好﹐沒有蠔殼碎﹐值得一讚﹐可惜份量略少。再叫 SAKE 煮青口﹐一般。友人的 pasta 煮得甚為 Al Dente，下次可一試。閣樓有間六人小廂房﹐喜愛 PRIVACY 的你可考慮考慮。

Click to see