食肆短評 - 5

威記粥店： 粥底不俗，碎牛和魚片都很新鮮，粥內薑絲相信是即日生切。齋腸米味甚濃，十分滿意，一共吃了兩碟！這廿四元真是花到極緻！

泰國人海南雞 : 去骨雞肉滑溜但欠雞味，三十六元已算十分不錯，整體味道比翠華好。

御品軒：所謂的崩沙腩五嚿得二嚿腍，命中率比九記低 (五嚿有四嚿腍) ; 廣東式水餃相信是即日鮮包，十分出色；湯底 ok；河粉一般；燉蛋號稱用甚麽水牛乳製，全港只此一家，吃落像 cold egg custard，蛋味比義順遜色，味較羶，像日式甜品；木製坐椅設計眼高手低，坐不穩，四處搖。食物價錢偏貴，雙拼河 + 甜品一共 $71，不會再去。

德發牛肉丸：完全冇特別，樂園正好多！

富來紫砂飯店 ：叫了一客黃膳煲仔飯和淮山子燉水魚。湯足料，兩位四碗，不多不少，味道尚可但吃不出水魚味。煲仔飯有別於一般坊間香口熱氣的風格，類近蒸飯 (但紫砂煲底有飯焦)，黃膳味道一般，汁液未能滲入飯身，中規中矩之作。餐牌內有引述清代袁枚<<隨園食單 - 飯粥單>>，可惜未能於其出品中得到引證。是夜連茶芥花生 $148，是所『你都唔可以話佢唔好食』之食肆。

勝香園：油多厚身有水準，檸檬飲品幫你『督』咗，茄牛麫不俗，凍奶茶太澀，『脆脆』出色，絕對係天口凉嘅理想茶餐廳。