夏天到啦

天口開始熱，心血來潮，走去揾吓有冇長柄士多啤梨賣。$79.8，比想像中冇咁貴。數年前係 Sogo 和 City Super 開始有售，大大粒，紅卜卜，見到就想嘴佢。但 $88 盒，好貴呀！！反覆思量，決定一試，踏上不歸路。其後開始風行，Sogo 甚至曾經張貼告示，指因航班延誤導致缺貨，貴客敬希見諒云云，可見需求殷切。及後其他超市亦有入貨，曾見百佳價格低至四十餘元 (最貴亦見賣過百)，另有 New Zealand 同類產品，但始終都不及 Driscoll's 鮮甜，仍以日本貨最好。